Do día 5 ao 7 de decembro de 2014 terá lugar no Pazo da Cultura de Pontevedra o Culturgal, a Feira das Industrias Culturais.
A AGPTI estará presente cun stand propio os tres días da feira e desenvolverá varias actividades con que facer chegar tanto ao público xeral como especializado o papel fundamental de mediación que desempeñamos tradutoras/es e intépretes no sector da cultura.
Entre as actividades, contaremos cun faladoiro con Eva Almazán e María Alonso Seisdedos, membros do equipo de tradución para o galego do Ulises de Joyce. Será o domingo ás 17.00, no stand núm. 15.
Esperámosvos!
