A organización Implicadas no Desenvolvemento e maila AGPTI teñen o pracer de organizar conxuntamente un encontro informal e distendido cunha gran figura da India, o destacado bailarín, escritor, tradutor e activista Aniruddhan Vasudevan, co gallo da súa visita a Galicia. Entre a súa apretada axenda neste percorrido por terras galegas, Ani conversará con todas aquelas persoas que desexen descubrir a súa personalidade, traxectoria artística, activista e tradutora. Neste encontro falaremos de danza, de libros, de linguas, de arte, de dereitos humanos, de sensibilidade e emoción.
A cita será o mércores 10 de xuño ás 19:00 h na cafetería El Gabinete del Dr. Cadaval, sita na rúa do Doutor Cadaval, 27 (Vigo). A entrada é totalmente libre, pero sería conveniente confirmar a asistencia no evento de Facebook dada a limitada capacidade de espazo do local.
