Obradoiro de tradución para crianzas

O sábado 28 de setembro vai ter lugar un obradoiro gratuíto de tradución para crianzas de 8 a 12 anos na Biblioteca de Galicia (Santiago de Compostela).

Trátase dunha actividade proposta polo grupo de tradución literaria para celebrar o Día Internacional da Tradución. O obradoiro estará impartido polas tradutoras María Reimóndez e Raquel Senra.

Para participar é necesario inscribirse previamente na páxina web da Cidade da Cultura.

  • Data: 28 de setembro
  • Horario: 11:30 a 13:30 h
  • Duración: 120 minutos
  • Lugar: Sala I da Biblioteca de Galicia e espazo exterior
  • Público: 8 a 12 anos
  • Prazas: 25