O venres 29 de decembro xuntarémonos en Vigo para facer unha visita e un xantar da asociación, para conversar un pouco e coller forzas. Estas actividades están abertas a socias/os e non-socias/os.
Visitaremos o Centro de Coordinación de Salvamento Marítimo de Vigo (http://bit.ly/2zkkpIY), na estación marítima, xusto detrás do C. C. A Laxe. A visita é gratuíta e comezará ás 11:00. O punto de encontro é a porta principal da estación marítima ás 10:55. No caso de xurdir unha emerxencia real, ou cando así o considere Salvamento Marítimo, a visita cancelarase ao momento.
O xantar será ás 14:00 no restaurante Isola Bella (Rúa Ecuador, 23) e o prezo do menú son 17 €. O menú inclúe:
– Luras
– Ensalada
– Champiñóns con xamón
– Pizza artesanal
– Sobremesas caseiras variadas
– Sangría/refrescos/auga
Quen precise algunha adaptación do menú ou queira inscribirse, só ten que enviar un correo electrónico a presidencia@agpti.org até o día 28 ás 12.00. O pagamento efectuarase in situ.
